Á sérstöku litadögunum okkar hittumst við í salnum og höldum sameiginlega söngstund…þann dag mega allir koma í einhverri (eða öllum 😉 ) flík í samsvarandi lit….voða skemmtilegt og stundum krefjandi að finna litinn einhversstaðar..á sokk? Spennu? Rönd í peysu? Stundum er hringt í frænku eða frænda og fengið lánað! Þá viku sem litadagur er haldinn vinnum við sérstaklega með viðkomandi lit, útbúum listaverk, syngjum litasöngva, kubbum, pinnum, perlum svo eitthvað sé nefnt….það er gaman að læra litina!