Mat á skólastarfi

Í 18. gr. laga um leikskóla nr. 90/2008 er kveðið á um að hver leikskóli skuli meta með kerfisbundnum hætti árangur og gæði skólastarfs. Í 19.gr. laganna segir að sveitarfélögin eigi síðan að fylgja innra matinu eftir þannig að það leiði til umbóta í skólastarfi.
Tilgangur með mati er að afla vitneskju um árangur skólastarfsins og hvernig einstaklingnum og hópum gengur að ná settum markmiðum. Umbótaáætlun er svo gerð í kjölfar innra mats. Þannig aukum við gæði skólastarfsins og tryggjum réttindi barna, að þau fái þá þjónustu sem þau eiga rétt á samkvæmt lögum.

Mat á leikskólastarfi skiptist í innra og ytra mat.

Innra matinu er ætlað að veita aðilum skólasamfélagsins og fræðsluyfirvöldum upplýsingar um skólastarfið, árangur þess og þróun. Innra mat leikskólans er skipulagt af innra mats teymi en verklag og viðmið eru samkvæmt aðgerða- og gæðahandbók leikskóla í Árborg. Helstu niðurstöður úr innra mati má sjá í árlegri innra mats skýrslu leikskólans.

Ytra mat er unnið á vegum sveitarfélagsins, mennta- og menningarmálaráðuneytinu eða annarra aðila. Í Árborg eru spurningalistar á vegum Skólapúlsins sendir til foreldra annað hvert ár þar sem þeim gefst tækifæri til að leggja mat á starfið og koma með ábendingar. Ytra mat sem gert er af Menntamálastofnun samkvæmt ósk leikskólans byggir á viðmiðum um gæði í leikskólastarfi. Matsaðilar koma í leikskólann og safna þar fjölbreyttum gögnum s.s niðurstöðum úr skriflegum gögnum, taka einstaklings- og rýnihópaviðtöl við starfsfólk, foreldra og nemendur auk þess að safna skráningum á vettvangi. Ytra mat var síðast gert í Hulduheimum vorið 2022 en hér má sjá skýrslu um niðurstöður.

Uppfærð umbótaáætlun vegna ytra mats má sjá hér.

Langtímaáætlun um innra mat í leikskólum Árborgar má sjá hér 

Skýrslu um innra mat fyrir skólaárið 2024-2025 ásamt umbótaáætlun má sjá hér

Helstu niðurstöður foreldrakönnunar Skólapúlsins febrúar 2025 má sjá hér

Helstu niðurstöður foreldrakönnunar Hulduheima haust 2025 má sjá hér